4.4. Energia Berriztagarriak
Energia berriztagarriak, ingurumena errespetatzen duten energia-iturriak dira. Horiek erabilita, ingurumen-arazo ugari arin litezke, hala nola: klimaaldaketa, hondakin erradiaktiboak, euri azidoak eta atmosferaren kutsadura.Hauen onurak medio, energia berriztagarriak ezartzeko helburua barne hartzen da Agenda 21eko Ekintza Planean. Hala ere, berriztaezinezko baliabideetatik ateratako energia da gure hirian gehien kontsumitzen dena, eta bertan, oraindik ere, energia berriztagarrien erabilerari ekin baino ez zaio egin, eta etengabe ari da gora egiten, elektrizitate eta gas naturalaren guztizko kontsumoa. Ondorioz, gure egoera, garaiaren arabera, ez da oso iraunkorra.
Datu hauek medio, energia zentzuz erabiltzearen eta energia berriztagarriez baliatzearen aldeko “Lankidetzako Esparru Hitzarmena” sinatu zuten Udalak eta Energiaren Euskal Erakundeak, EEEk, 2004. urtean. Hitzarmen horri ezker, 2004. eta 2005. urteetan, Artatse, Arangoiti, Zamakola-Juan Delmas eta Tomás Camacho lehen hezkuntzako ikastetxeetan eta Udalari atxikitako eraikinean, bost instalazio fotovoltaiko -hiru Udalak ordaindutakoak eta beste bi, EEEk-, erosi eta muntatzeko hainbat lankidetza-hitzarmen sinatu ziren. Gainera, Elejabarri udal-aterpetxean eguzki-energia termikoko instalazio bat jarri da.
