4.7. Mapa akustikoa
Mapa akustikoa, hiri bateko hainbat puntuetan dauden hots-mailak neurtu eta aztertzean datza. Zaratari buruzko 37/2003 Legeak ezartzen duena betez, 250.000 biztanletiko gorako hiriek ezinbestez egin behar dute delako hori, 2007ko ekainaren 30a baino lehen.Zarata gure osasunari eragiten dion kutsadura-mota bat dela kontuan hartzen badugu, beharrezkoa da honelako mapak egitea, zarata kontrolatzeko neurriak hartzen eta etorkizunean berorri aurrea hartzen laguntzen baitute, etorkizunari begira, hiriaren plangintza hobea egiteko jarraibideak bideratzen dituzte-eta.
Bilbaoko Mapa Akustikoa egiteko, jasotako datuak automatikoki prozesatzeko eta zarata-mailak kalkulatzeko zarataren kalkulu- eta aurreikuspen-eredu bat ezarri zen.
Gaur egun, Informazio Geografikoko Sistema (GIS) eguneratzen ari da, behar bezala geografiaren erreferentzia egokietan oinarritutako datu guztien kudeaketa osoa egin ahal izateko, eta, batetik, ereduari beharrezko datu guztiak eransten, eta bestetik, eskuratu beharreko emaitza eta informazio oro lortzen laguntzeko. GISaren bitartez, hots-parametroak beste parametro batzuekin alderatzen dira, besteak beste: trafikoaren datuekin, bideekin, etxebizitza-kopuruarekin, guneko biztanle-kopuruarekin, eta abarrekin.
Azkenik, ezinbestekoa da ibilgailuen trafikoa ebaluatzea, hirietako hots-kutsaduraren eragilerik nagusiena delako. Horretarako, eguneroko ibilgailu-kopuruei buruz dauden datuen, eta bereziki, udalerri barruan ibiltzen direnei buruzkoak, eta gainerako kaleetan, zenbaketa puntualak eginez, zenbat ibilgailu dabiltzan jakinarazten duten ezarritako aplikazio informatikoaren jabe da Udala. Mapa akustiko hau noizbehinka eguneratu behar da. Beraz, jarduera txikietan esku hartuz, esaterako, garraio publikoa erabiliz, bizikletaz edo oinez ibiliz, ibilgailua behar bezalako egoeran mantenduz eta abiadura murriztuz, hurrengoan jasotako hots-kutsadura txikiagoa izatearen alde egin hala dugu.
igo
